Main ne jab likhna seekha tha
Pehlay tera naam likha tha
Main woh sabr-e-sameem hoon jis ne
Baar-e-amanat sar pe liya tha
Main woh ism-e-azeem hoon jis ko
Jin-o-malk ne sajda kiya tha
Tu ne kiyon mera haath na pakra
Main jab raastay se bhatka tha
Jo paya hai woh tera hai
Jo khoya , woh bhi tera tha
Mujh bin sari umar guzaari
Loh kahein gay tu mera tha
Pehli baarish bhaignay walay
Main teray darshan ka pyasa tha
No comments:
Post a Comment