Meray dil kay ujray Aangan main koi phool khila tum yaad aaye
Teray shaher kay basnay walon main koi shakhs mila tum yaad aaye
Jo waqat bhi saath main guzra tha kya loat kay phir woh aaye ga
Sach pooch keh meri aankhon se ek ashk gira tum yaad aaye
Her baar main tujh ko bhoolnay ki jab khud se qasmein khaata hoon
Phir jab bhi kisi ne hans kay mujhay jab apna kaha tum yaad aaye
Din bhar to main is duniya kay dhandon main uljha khoya sa
Din guzra aur dewaaron se jab dhoop dhali tum yaad aaye
No comments:
Post a Comment