Yeh Eid bhi tanha beetay gi
Main shor machaaon ga lakin
Main khud ko rulaaon ga lakin
Na koi sunay ga cheekh meri
Na mujh ko koi hansaey ga
Meri qismat dil ko peetay gi
Yeh Eid bhi tanha beetay gi
Sab galay milein gay khushiyon se
Sab khushiyaan khoob manaein gay
Hum baith kay phir tanhai main
Bas aansoo khoob bahayein gay
Mera daman khushi na seenchay gi
Yeh eid bhi tanha beetay gi
Bas gham rehta hai paas meray
Main ghamon kay paas hi rehta hoon
Jo loat kay aana bhool gaye
Ussay Eid mubarak kehta hoon
Ro ro kay magar haan beetay gi
Yeh Eid bhi tanha beetay gi
No comments:
Post a Comment