Kya rukhsat-e-yaar ki gharri thi

Kya rukhsat-e-yaar ki gharri thi
Hansti hui raat ro pari thi

Hum khud hi huye tabbah warna
Duniya ko hamari kya pari thi

Yeh zakham hain un dino ki yaadein
Jab aap se dosti pari thi

Jatay to kidhar ko teray wehshi
Zanjeer-e-junoon karri pari thi

Dar'yooza gir-e-hayat ban kar
Duniya teri raah main kharri thi

Gham thay keh Faraz aandhiyan thein
Dil tha keh Faraz pankhri thi