O meray masroof khuda
Apni duniya dekh zara
Apni duniya dekh zara
Itni khalqat kay hotay
Shehron main hai snaata
Jhompri walon ki taqdeer
Bujha bujha sa ik diya
Khaak uraatay hain din raat
Meelon phail gaye sehraa
Zaagh-o-zaghan ki cheekhon se
Soona jungle goonj utha
Suraj sar par aa poncha
Garmi hai ya roz-e-jaza
Pyasi dharti jalti hai
Sookh gaye behtay dariya
Faslein jal kar raakh huein
NAgri nagri kaal para
O meray masroof khuda
Apni duniya dekh zara
No comments:
Post a Comment