Tum zamana Aashna , tum se zamana Aashna
Aur hum apnay liye bhi ajnabi Na-Aashna
Raastay bhar ki rafaqat bhi bhout hai jaan-e-man
Warna manzil par ponch kar kon kis ka aashna
Ab kay aisi aandhiyan uthein keh suraj bujh gaye
Haye woh shamm'en keh jhonkon se bhi thein Na-Aashna
Muddatein guzrein usi basti main lakin ab talak
Log na'waqif , fiza be'gaana , hum na'aashna
Hum bharray shehron main bhi tanha hain janay kis tarah
Log veerano main kar letay hain paida Aashna
Khalq-e-shabnam kay liye daaman kusha sehraaon main
Kya khabar abar-e-karam hai sirf dariya Aashna
Apni barbaadi pe kitnay khush thay hum lakin Faraz
Dost dushman ka nikal aaya hai apna Aashna
No comments:
Post a Comment