Bhuli hui sada hoon mujhay yaad keejiye
Tum se kahin mila hoon mujhay yaad keejiye
Manzil nahin hoon , khizer nahin , raah'zan nahin
Manzil ka raasta hoon mujhay yaad keejiye
Meri nigah-e-shouq se her gul hai devta
Main ishq ka Khuda hoon mujhay yaad keejiye
Naghmon ki ibtida thi kabhi meray naam se
Ashkon ki intihaa hoon mujhay yaad keejiye
Gum sum kharri hain dono jahan ki haqeeqatein
Main in se keh raha hoon mujhay yaad keejiye
"Saghar" kisi kay Husan-e-taghafal shiyaar ki
Behki hui adaa hoon mujhay yaad keejiye
No comments:
Post a Comment