Bichray lamhon main
Us ne mujh se kaha tha dekho
Hamari raahein juda juda hain
Magar hamein aik doosray ka khayal rakhna hai zindagi bhar
Kisi bhi lamha udasiyon ki
Faseel hayel na honay dena
Hawa kay haathon pe likhtay rehna
Judaiyon kay tamaam qissay
Qadam qadam par jo paish ayein , woh sani'hay bhi nazar main rakhna
Main jab bhi lota to apnay honton ki tazagi ko
Tumhari bujhti hui in aankhon main laa rakhon ga
Jo meri apni hain sirf meri
Bichartay lamhon main us ne mujh se na janay kya kuch kaha
Suna tha
Aur ab ussay bhi yahi kahay ga
Woh jis kay haathon main haath dalay
Naye safar par nikal para hai
No comments:
Post a Comment