Ki hai koi haseen khata her khata kay saath
Thora sa payar bhi mujhay de do saza kay saath
Gar doobna hi apna muqaddar hai to suno
Doobain gay zaroor hum magar na'Khuda kay saath
Manzil se woh bhi door tha aur hum bhi door thay
Hum ne bhi dhool uraai bhout reh'numa kay saath
Raqs-e-saba kay jashan main hum tum bhi naachtay
Ae kaash tum bhi aa gaye hotay saba kay saath
Aisa laga ghreebi ki raikha se hoon buland
Poocha kisi ne haal kuch aisi adaa kay saath
No comments:
Post a Comment