Qariya qariya basti basti jashan manaya kartay thay
Tez hawa main pyar kay sachay deep jalaya kartay thay
Shaakh shaakh main ab bhi teray payr ka dheema lehja hai
Jin pairon kay saaye hum ko geet sunaya kartay thay
Aaj ruton kay saath jo badla hum ko tanha chor gaya
Kal tak to us pairr kay pattay hum pe saaya kartay thay
Boorhay bargad ki shaakhon par jhooltay thay hum rozana
Sapno kay kya sundar mehal banaya kartay thay
Khoye khoye rehnay walo ! raaz-e-mohabbat faash hua
Bheegi aankh ne keh daala jo raaz chupaya kartay thay
Meri tarah woh pairr bhi ab tak tanha rehta hai
Jis ki thandi chaayon main tum preet jataya kartay thay
Shahbaz tum to itni jaldi saath hamara chor gaye
Kal tak pyar ki kaisi kaisi qasmein khaya kartay thay
No comments:
Post a Comment