Us ki tasveer kya nazar aayi
Keh'kishaan aankh main utar aayi
Main wahan khud ko yaad aaya hoon
Woh jahan khud ko bhool kar aayi
Janay kya keh diya hai main ne ussay
Kuch dino main hi woh nikhar aayi
Main prindon kay paas baitha tha
Kal woh jis waqat meray ghar aayi
Ajnabiyat ki tez baarish main
Woh meray haath mukh'tasir aayi
Aaj muddat kay baad us kay saath
Khud ko dekha to aankh bhar aayi
Sakhat be'simat zindagi thi "Hasan"
Us kay aanay se raah par aayi
No comments:
Post a Comment