Saad yeh teri tanhai teri pas'paai hai jhoot na bol
Ik ik jhoot main so so jhoot hain ruswaai hai jhoot na bol
Teray hansnay se lagta hai ab tak dil tera rota hai
Meray sach par aankh bhi teri bhar aayi hai jhoot na bol
Teray sar se bojh to utray baat jo mann main hai keh de
Teri aankh kay halqon main bhi gehraai hai jhoot na bol
Teray andar pyar ki baatein aik nayi takhleeq main hain
Gham se bhari teri baaton main bhi sheh'naai hai jhoot na bol
Pyar kay khilwat khanay main to yadon ki ik duniya hai
Chahat ka ehsaas hi goya purwaai hai jhoot na bol
No comments:
Post a Comment