Weham ik mohjaza-e-sheesha giran hai koi
Her haqeeqat main kahin aik gumaan hai koi
Aik koshish keh main tasveer utha'on dil ki
Phir yahi khouf keh yaan khwab jawan hai koi
Ik dhuwan sa hai , hayola sa hai , ya phir kya hai
Yeh to duniya kay bikharnay ka samaa hai koi
Kya dikha'on woh dara'rain keh jo is rooh pe hain
Apnay imkaan se zara waqif-e-jahan hai koi
Her ro'ein main hai hararat keh lahu jagta hai
Aisay lagta hai ragon main bhi rawan hai koi
No comments:
Post a Comment