Ae dil raigaan udas udas
Phir rahay ho kahan udas udas
Chand ik umar se safar main hai
Aasman aasman udas udas
Jab bhi dekha hai jhaank akr dil main
Ho gaya sab jahan udas udas
Zindagi khel hai udasi ka
Hum yahan tum wahan udas udas
Phirtay rehtay hain hum mohabbat main
Muz'mahil na'tawan udas udas
Sochta hoon keh meray seenay main
Janay kya hai nihaan udas udas
Kya udasi siwa nahin kuch bhi
Ae meray la'makaan udas udas
Raat bhar jaagtay ho kiyon aakhir
Is tarah meri jaan udas udas
Ik taraf gham hain ik taraf khushiyan
Aur main darmiyan udas udas
Saray kirdaar hain mohabbat kay
Daastan daastan udas udas
Yeh wohi hain hamaray Farhat jee
Reh rahay hain yahan udas udas
No comments:
Post a Comment