Ajnabiyat bhi aik rishta hai
Dard hi dard ko samajhta hai
Main bhi tayaar hoon saza kay liye
Khawab main ne bhi aik dekha hai
Main to jis raastay pe chalta hoon
Woh teri simt jaa nikalta hai
Tu bhi duniya kaafir dahi nikla
Tu bhi mujh ko kahan samajhta hai
Dekh aankhein chamak rahi hain meri
Dekh aik shair mujh pe utra hai
Aaj phir reh gaya hoon main tanha
Aaj phir main ne tum ko socha hai
Ae gham-e-yaar bakhash de mujh ko
Kiyon mujhay tu udaas karta hai
Itna veeran , is qadar khamosh
Mera chehra hai yeh , keh sehraa hai
No comments:
Post a Comment