Apnay honay ka pata deti hai
Zindagi youn bhi saza deti hai
Dil sulagnay ka pata chalta hai
Yaad jab raakh gira deti hai
Yeh hunar maa kay siwa kis ka hai
Bhookay bachon ko sula deti hai
Youn uraao na mohabbat ka mazaq
Yeh to banday ko khuda deti hai
Main sula deta hoon zakhmon ko magar
Ik naya dard hawa deti hai
Zinda rehna hai to shikwa kaisa
Mout her dukh ko mita deti hai
Poet : Khalid Imran Mazhar
No comments:
Post a Comment