Bad'nami-e-hayat se ranjoor ho gaye
Ae yaar ! teri baat se ranjoor ho gaye
Yazdan kay hadsaat pe hum ne kiya yaqeen
Apni shakist-e-zaat se ranjoor ho gaye
Murjhaa kay reh gayi gham-e-dushnaam ki bahar
Fasal-e-takalufaat se ranjoor ho gaye
Her rah'guzar pe choor hain insaniyat kay paon
Sheeshay ki kainaat se ranjoor ho gaye
Apno ne zindagi main ha'rasan kiya mujhay
Ghairon kay iltafaat se ranjoor ho gaye
"Saghar" sakoon de gi dil ki kasak hamein
Aksar khushi ki baat se ranjoor ho gaye
No comments:
Post a Comment