Chand kay saath meri baat na thi pehli si
Raat aati thi magar raat na thi pehli si
Hum teri yaad se kal shab bhi milay thay lakin
Yeh mulaqaat , mulaqaat na thi pehli si
Aankh kiyon loot gayi khouf se sehraaon ko
Kiyon keh is baar to barsaat na thi pehli si
Ab kuch aur tarah ki thi udasi in main
Chand taron ki yeh baraat na thi pehli si
Ishq ne pal main badal di meri sari duniya
Main ne dekha keh meri zaat na thi pehli si
No comments:
Post a Comment