Dost jaisi , kabhi dushman ki tarah lagti hai
Zindagi tu kisi uljhan ki tarah lagti hai
Aik lamhay main meray mann ko bighoo deti hai
Us ki her baat hi sawan ki tarah lagti hai
Teray chehray pe udasi hai meray ghar ki tarah
Teri halat meray aangan ki tarah lagti hai
Tu bhi ulfat kay taqazon ko nahin samjhi hai
Teri uljhan , meri uljhan ki tarah lagti hai
No comments:
Post a Comment