Gham kay mujrim khushi kay mujrim hain
Log ab zindagi kay mujrim hain
Aur koi gunnah yaad nahin
Sajda-e-be'khudi kay mujrim hain
Istaghasa hai raah-o-manzil ka
Rah'zan , rehbari kay mujrim hain
Meh'kaday main yeh shor kaisa hai?
Bada'kash bandagi kay mujrim hain
Dushmani aap ki inayat hai
Hum faqat dosti kay mujrim hain
Hum faqeeron ki suraton pe na ja
Khidmat-e-aadmi kay mujrim hain
Kuch ghazalan-e-aagahi Saghar
Naghma-o-shairy kay mujrim hain
No comments:
Post a Comment