Ik baar hi chahat ki saza kiyon nahin detay
Zinda hoon to marnay ki dua kiyon nahin detay
Ik aag jo bujhti na bharakti hai ziada
Is aag ko daman ki hawa kiyon nahin detay
Bichray huye lamhay bhi kabhi loat kay aaye
Bichray huye lamhon ko bhula kiyon nahin detay
Dariya main pukaray chalay jatay ho hamesha
Sehraaon main sawan ko sada kiyon nahin detay
Dekho na kai , yaar bhout khouf'zada hain
Pal bhar ko chraghon ko bujha kiyon nahin detay
No comments:
Post a Comment