Jism taptay pathron par rooh sehraon main thi
Phir bhi teri yaad aisi thi keh jo chhaon main thi
Aik pur haibat sakoot mustaqil aankhon main tha
Aik tughyani musal'sal dil kay daryaon main thi
Hum hi ho guzray hain khud apnay shaher ajnabi
Woh jahan bhi thi wahan apnay shanasaon main thi
Ik sada si barf ban kar gir rahi thi jism par
Aik zanjeer hawa thi jo meray paon main thi
No comments:
Post a Comment