Jo sari umar na ik pal raha chup
Ussay aksar yahan dekha gaya chup
Ajab hai sabar ka yeh sil'sala bhi
Yahan main hoon wahan mera Khuda chup
Tumhara naam hi laya zuban par
Kisi ne cheekh kar mujh se kaha chup
Yeh tum her baat jo sach boltay ho
Suna di jaye gi ik din saza chup
Yeh kaisa shor hai baahir gali main
Na janay kiyon nahin hoti hawa chup
Yeh kaisa mustaqil chup ka safar hai
Musafir chup , fiza chup , raasta chup
No comments:
Post a Comment