Khawab sajanay wali aankhein pal bhar main banjar ho jayein

Aisa bhi ho sakta hai

Khawab sajanay wali aankhein
Pal bhar main banjar ho jayein
Rasta taktay taktay thak kar
Umeedein pathar ho jayein
Lab pe ugg aye khamoshi
Aur seenay main hashar barpa ho
Lafzon ki mala ka dhaga
Beech se jaisay toot gaya ho
Bhooli bisri sari batein
Main bhi shayed yaad bana loon
Bhool kay apnay dukhray saray
Honton pe muskan saja loon
Tum dhoondo phir mujh main mujh ko
Aur main khud main gum ho jaon
Aisa bhi to ho sakta hai
AMin bhi ik din tum ho jaon