Khayal ko jab haseen banaya meray Khuda ne
Andheri shab main diya jalaya meray Khuda ne
Yeh faaslay saamp ban kay jeewan ko ghair letay
Yeh dast jungle pahaar tann mann ko ghair letay
Magar hamein rasta dikhaya meray Khuda ne
Hamari aankhon main aanso'on kay diye jalaye
Chragh se pehlay jugno'on kay diye jalaye
Dilon main chahat shajar ugaya meray Khuda ne
Khalaaon main qeh'qahon se chamki fiza bakheri
Zameen par khushbu'on main doobi hui hawa bakheri
Jahan ko phool sa khilaya meray Khuda ne
No comments:
Post a Comment