Khushbu sa badan yaad na sanson ki hawa yaad
Ujray huye baghon ko kahan baad-e-saba yaad
Aati hai parishani to aata hai khuda yaad
Warna nahin duniya main koi teray siwa yaad
Jo bhoolay hain magar teray ilawa
Ik bichra hua dil aata hai sada yaad
Main to ab ik umar se pachtawon ki zad main
Kya tum ko bhi aati hai kabhi apni khata yaad
Mumkin hai bhala kaisay ilaaj-e-gham janan
Jab koi dawa yaad na hai koi dua yaad
No comments:
Post a Comment