Kya kron ab koi bhi acha nahin lagta mujhay
Tu bhi pehlay ki tarah apna nahin lagta mujhay
Ab teri baatein meray dil main utar'ti hi nahin
Tu wohi hai par tera lehja nahin lagta mujhay
Tu , to ab adhay badan se saath chalta hai meray
Teray shano pe tera chehra nahin lagta mujhay
Tu kabhi taqseem karta tha hawaein chaar su
Ab teray bhi paas ik jhonka nahin lagta mujhay
Ab lifafay se teri khushbu nahin aati mujhay
Khat bhi teray haath ka likha nahin lagta mujhay
No comments:
Post a Comment