Main poochta hoon yeh kar-o-baar kis ka hai
Yeh dil mera hai magar ikhtiyaar kis ka hai
Yeh kis ki raah main baithay huye ho farhat jee
Yeh to muddaton se tumhein intizaar kis ka hai
Tarap tarap kay yeh jab sard honay lagta hai
To poochtay hain dil be'qaraar kis ka hai
Yeh baat teh hi nahin ho saki hai aaj talak
Hamaray dono main aakhir faraar kis ka hai
Na'janay kis ne meray manzaron ko dhund'laya
Na'janay shaher pe chaya ghubaar kis ka hai
No comments:
Post a Comment