Mujh par sitam zareef zamanay kay saath saath
Muskaa raha tha hashar uthanay kay saath saath
Main mitt raha tha un ko mitanay kay saath saath
Ruktay thay haath teer chalanay kay saath saath
Dushman agarcha thay woh magar thay to aadmi
Dil ro raha tha theek nishanay kay saath saath
Thay ishq main ajeeb se rakhnay paray huye
Khud rooth'ta tha mujh ko mananay kay saath saath
Aisa laga keh gham kay siwa kuch nahin yahan
Aalam sisak raha tha dawanay kay saath saath
Is shaher main ajeeb tamasha hai zindagi
Hanstay hain log neer bahanay kay saath saath
No comments:
Post a Comment