Phir tera zikar dil sambhaal gaya
Aik hi pal main sab malaal gaya
Ho liye hum bhi is taraf janaa
Jis taraf bhi tera khayal gaya
Aaj phir teri yaad maangi thi
Aaj phir waqat hum ko taal gaya
Tu december ki baat karta hai
Aur hamara to sara saal gaya
Tera hota to phat gaya hota
Mera dil tha jo gham ko paal gaya
Kon tha woh kahan se aaya tha
Hum ko kin chakron main daal gaya
No comments:
Post a Comment