Piyas kay aalam main kya bolon mujh ko kaisa lagta hai
Ik qatra bhi us dam Atif , dariya jaisa lagta hai
Sookhay paton ki aahat ab bhi mujh ko chonkatihai
Yaad hai mujh ko un pe chalna tum ko acha lagta hai
Main to apnay aap ko aksar yeh samjhata rehta hoon
Tu sab kuch ahi phir bhi aakhir tu mera kya lagta hai
Itni muddat se aankhon main khawab nahin utra koi
Keh ab sapna bhi dekhon to mujh ko sapna lagta hai
Tum kya meray pyar ki shiddat paimano se napo gay
Pyar main jitna bhi karta hoon , mujh ko thora lagta hai
Honton ki muskan se tu ne dard chupaya hai lakin
Aankhon ki surkhi se tu bhi dil se roya lagta hai
Apni aankhon main khawabon ko log sajaye baithay hain
Khawabon ka sodagar phir se shaher main aaya lagta hai
Dil kay behlanay ko sab se kehta hoon , tanha khush hoon
Sach poocho to tanha rehna kis ko acha lagta hai
Palkon ki baarhon pe jo tum asjk sajaye baithay ho
Dil main yaadon ka phir koi jhonka aaya lagta hai
Jaisay bheer main bacha koi gum ho jata hai "Atif"
Tum jab saath nahin hotay ho , mujh ko aisa lagta hai
No comments:
Post a Comment