Safar main apnay hissay ki musafat yaad rehti hai
Kahin abaad honay par bhi hijrat yaad rehti hai
Woh chahay dosti ho , dushmani ho ya mohabbat ho
Yahan her haal main apni zaroorat yaad rehti hai
Kisi sehraa ko pyasa chor diya jata hai kabhi dariya
Kabhi pyasay ko dariya ki sakhawat yaad rehti hai
Yeh sach hai pyar pehla hi basa rehta hai saanson main
Yeh sach hai umar bhar pehli mohabbat yaad rehti hai
No comments:
Post a Comment