Samay samay ki khalish main tera malaal rahay
Judaiyon main bhi youn aalam-e-wisaal rahay
Anaa kai jung main hum jeet to gaye lakin
Phir is kay baad bhout dair tak nidhaal rahay
Raah-e-junoon main yahi zaad-e-raah hota hai
Keh justagoo barhay dewangi bahaal rahay
Haseen raatein bhi mehkein tumhari yaadon se
Karray dino main bhi pal pal tera khayal rahay
Tu ik baar zara kashtiyan jala to sahi
Hai kya majaal keh ik lamha bhi zawal rahay
No comments:
Post a Comment