Tafreeq ne jadu hi jagaya hai bala ka
Khatray main hai Ae yaar ! chaman mehar-o-wafa ka
Toheen hai darwaish ka is shaher main jeena
Ho faqa kashi naam jahan sabar-o-raza ka
Ab tak ka tafakar gham-e-taqdeer ka chara
Seenay main pata rakhtay hain jo arz-o-samaa ka
Jee chahata hai Ae meray afkaar ki murat
Malboos bana doon tujhay taron ki rida ka
Mehfooz rahein meray gulistan ki fizaein
Ho qatal-e-gul-o-lala taqaza hai saba ka
Jaltay huye dekhay wohi masoom shagoofay
Tha jin ko bharosa teray daman ki hawa ka
Kuch sard si aahein hain to kuch doobtay aansoo
"Saghar" yeh sila tujh ko mila soz-e-nawa ka
No comments:
Post a Comment