Teri chahat kisi mousam main bhi to kam nahin hoti
Diye ki lo hawa main to kabhi madham nahin hoti
Teray shanay pe sar rakhna nahin hai ab meray bas main
Magar dil se meray kiyon kar yeh khawaish kam nahin hoti
Jo hanstay hon yeh hansti hai jo rotay hon nahin roti
Kisi kay gham main yeh duniya shareek-e-gham nahin hoti
Dilon main laakh toofan hon na aankhon se ayan karna
Keh yeh jageer saanjhi to meray hum'dam nahin hoti
Kisi ko raaz mat dena tum apni zindgani main
Keh yeh duniya kisi ki bhi kabhi mehram nahin hoti
Poet : Dilshad Ahmed Faraz
No comments:
Post a Comment