Us ki palkon pe koi khawab saja rehnay de
Habs barh jaye ga is dar ko khula rehnay de
Meray maalik tu bhalay cheen lay go'yaai meri
Meray honton pe faqat aik dua rehnay de
Meray khawabon ko bhataknay se bachanay kay liye
Shab ki dehleez pe yaadon ka diya rehnay de
Be'rukhi hi teray mujrim kay liye kafi hai
Us se munh mor le koi aur saza rehnay de
Chand ban kar teray kamray main utar aaon ga
Aaj ki raat to khirki ko khula rehnay de
No comments:
Post a Comment