Falak pe chand kay haalay bhi sog kartay hain
Jo tu nahin to ujaalay bhi sog kartay hain
Tumharay haath ki churi bhi bain karti hai
Hamaray hont kay talay bhi sog kartay hain
Nagar nagar main woh bikhray hain zulam kay manzar
Hamari rooh kay chaalay bhi sog kartay hain
Ussay kaho keh sitam main woh kuch kami kar de
Keh zulam tornay walay bhi sog kartay hain
Tum apnay dukh pe akelay nahin ho afsurda
Tumharay chahnay walay bhi sog kartay hain
No comments:
Post a Comment