Kal ajab saneha sa hua rait par
Naam tera nahin likh saka rait par
Kis ki awaz se tham gaye hain qadam
Phir se kis ne mujhay di sada rait par
Us ki aankhon se sholay nikaltay rahya
Naachti reh gayi kal ghatta rait par
Tu ne jo bhi hawa se kaha reh gaya
Mitt gaya main ne jo bhi likha rait par
Main tumhein choomna chahata hoon abhi
Us ne mujh se yeh ik din kaha rait par
Ab yeh sehra hi teray muqaddar main hain
Tu ne mangi hi kiyon thi dua rait par
Aik shola utha us jaga se wasi
Mera aansu jahan gir gaya rait par
Mera aansu jahan gir gaya rait par
No comments:
Post a Comment