Koi hadd nahin hai kamal ki
Koi had nahin hai jamal ki
Wohi qarb-o-door ki manzalein
Wohi shaam khawab-o-khayal ki
Na mujhay hi us ka pata koi
Na ussay khabar meray haal ki
Yeh jawab meri sada ka hai
Keh sada hai us kay sawal ki
Yeh nimaz-e-asar ka waqat hai
Yeh gharri hai din kay zawal ki
Woh qiyamatein jo guzar gayein
Thi amanatein kai saal ki
Hai Munir teri nigah main
Koi baat gehray malaal ki
No comments:
Post a Comment