Dushman ki taraf dosti ka haath
Meray jisam main zehar hai tera
Mera dil hai tera ghar
Tu mo'jood hai sath hamesha
Khouf sa ban kar sham-o-sehar
Tera asar hai meray lahu par
Jaisay chand samandar par
Itni zard hai rangat teri
Jam jati hai us par nazar
Tu hai saza meray honay ki
Ya hai mera zaad-e-safar
Karay ga tu be'mar mujhay , ya
Banay ka na'maloom ka darr
Rahay ga da'im gehri teh main
Jaisay andheray main koi dar
Gum kar de ga raah main mujh ko
Ya de ga manzil ki khabar
Tu hai mera dost keh dushman
Yeh to bata mujh ko ae zaar !
No comments:
Post a Comment