Teray lehjay main ab ki baar
Aisi shanti thi
Jo ik gehray taz'ba'zab se nikal kar
Zehan main aik faisalay kay baad aati hai
Taz'ba'zab se nikalna is qadar asaan nahin jana
Yeh woh jungle hai
Jis main raastay ik doosray ko kaat detay hain
Musafir ik qadam aagay barhata hai
To so khadshaat daman thaam letay hain
Koi rasta dikhanay ka kahan sochay
Chraghon ka to kya kehna
Yahan to jugnu'on pe shak guzarta hai
So aisay ghup andheray main
Yaqeen ki sham'ma kis ne aa kay teray dil main roshan ki
Teray chehray pe ab ki baar
Kaisi roshni thi !
No comments:
Post a Comment