Jo bhi daroon-e-dil hai woh baahir na aaye ga
Ab aagahi ka zehar zuban par na aaye ga
Ab kay bichar kay us ki nadamat thi is qadar
Jee chahata bhi ho to palat kar na aaye ga
Youn phir raha hai kaanch ka paikar liye huye
Ghafil ko yeh guman hai keh pathar na aye ga
Phir bo raha hoon aaj un hi sahilon pe phool
Phir jaisay moj main yeh samnadar na aaye ga
Main jaan bulb hoon tark-e-taluq kay zehar se
Woh mut'ma'ein kh harf to us par na aaye ga
No comments:
Post a Comment