Jurm-e-ulfat pe hamein log saza detay hain
Kaisay na'daan hain sholon ko hawa detay hain
Hum se dewanay kahin tark-e-wafa kartay hain
Jaan jaye keh rahay , baat nibha detay hain
Aap doulat kay tarazu main dilon ko tolein
Hum mohabbat se mohabbat ka sila detay hain
Takhat kya cheez hai aur laal-o-jawahir kya hain
Ishq walay to khudai bhi luta detay hain
Hum ne dil de bhi diya , ehad-e-wafa lay bhi liya
Aap ab shouq se de lain jo saza detay hain
No comments:
Post a Comment