Khudariyon kay khoon ko arzan na kar sakay
Hum apnay joharon ko nu'mayan na kar sakay
Ho kar kharab main ne teray gham to bhula diye
Lakin gham-e-hayat ka dar'maan na kar sakay
Toota talisam ehad-e-mohabbat kuch is tarah
Phir aarzu ki sham'ma farozan na kar sakay
Her shay qareeb aa kay kashish apni kho gayi
Woh bhi ilaaj shouq-e-gurezan na kar sakay
Kis darja dil'shikan thay mohabbat kay haadsay
Hum zindagi main phir koi armaan na kar sakay
Mayousi'on ne cheen liye dil kay wal'walay
Woh bhi nishat-e-rooh ka samaan na kar sakay
No comments:
Post a Comment