Nafs kay loch main rum hi nahin , kuch aur bhi hai
Hayat , saghar sam hi nahin , kuch aur bhi hai
Teri nigah meray gham ki paas'daar sahi
Meri nigah main gham hi nahin , kuch aur bhi hai
Meri nadeem mohabbat ki rif'aton se na guzar
Buland bam-e-haram hi nahin , kuch aur bhi hai
Yeh ijtinaab hai aks shaoor-e-mehboobi
Yeh ehtiyat sitam hi nahin kuch aur bhi hai
Idher bhi aik achat'ti nazar keh duniya main
Farogh-e-mehfil jam hi nahin , kuch aur bhi hai
Naye jahan basaye hain fikar-e-aadam ne
Ab is zameen pe iram hi nahin , kuch aur bhi hai
No comments:
Post a Comment