Youn to pehlay bhi huye us se kai baar juda
Lakin ab kay nazar aatay hain kuch Aasaar juda
Gar gham-e-sood-e-ziyan hai to tehar ja aye jaan
Keh usi morr pe yaron se huye yaar juda
Do gharri us se raho door to youn lagta hai
Jis tarah saya-e-dewaar se dewaar juda
Yeh judai ki gharri hai keh jharri sawan ki
" main juda gar yeh kinaan , abar juda , yaar juda "
Kaj'kalahon se kahay kon keh aye be'khabro
Toq-e-gardan se nahin , tur'rah-e-dastaar juda
Is qadar roop hain yaaron kay , keh khouf aata hai
Sar-e-meh'khana juda aur sar-e-darbaar juda
Ku-e-jaana main bhi khaasa tha Tar'madaar Faraz
Lakin us shakhs ki saj dhaj thi sar-e-daar juda
No comments:
Post a Comment