Woh khayal-e-mohaal kis ka tha
Aaina be'misaal kis ka tha
Safri apnay aap se tha main
Hijar kis ka , wisaal kis ka tha
Main to khud main kahin na tha mojood
Meray lab par sawal kis ka tha
Thi meri zaat ik khayal-e-Aashoob
Janay main hum'khayal kis ka tha
Jab keh main her nafs tha be'ehwaal
Woh jo tha mera haal kis ka tha
Do'pehar ! baad-e-tund ! koocha-e-yaar !
Woh ghubaar-e-malaal kis ka tha
No comments:
Post a Comment