Rehan sar'shaari fiza kay hain
Aaj kay baad hum hawa kay hain
Hum ko har'giz nahin khuda manzoor
Yehni hum be'tarah khuda kay hain
Hum ko hain "Jon" hasil-e-ijaad
Kya sitam hai keh hum fanaa kay hain
Kainaat-e-sakoot bas khamosh
Hum to shouq-e-sukhan saraa kay hain
Jitnay bhi ehal-e-fun hain duniya kay
Mul'tamis baab-e-iltaja kay hain
Baaz aa jaaiye keh sab fitnay
Aap ki kiyon kay aur kya kay hain
Ab koi guftagoo nahin ho gi
Hum fanaa kay thay hum fanaa kay hain
No comments:
Post a Comment