Dil jo ik jaye thi duniya hui abaad us main
Pehlay suntay thay keh rehti thi koi yaad is main
Woh jo tha apna gumaan aaj bhout yaad aaya
Thi ajab rahat-e-azadi ijaad is main
Aik hi to woh mo'him thi jissay sar karna tha
Mujhay haasil na kisi ki hui imdaad is main
Aik khushbu main rahi mujh ko talash-e-khad-o-khaal
Rang faslein meri yaaro hui'ein bar'baad is main
Baagh-e-jaan se tu kabhi raat gaye guzra hai
Kehtay hain raat main khel'ein hain pari zaad is main
Dil mohallay main ajab aik qafas tha yaaro
Said ko chor kay rehnay laga siyaad is main
No comments:
Post a Comment