Kabhi kabhi to bhout yaad aanay lagtay ho
Keh rooth'tay ho kabhi aur mana'nay lagtay ho
Gila to yeh hai tum aatay nahin kabhi lakin
Jab aatay bhi ho to foran hi janay lagtay ho
Yeh baat "Jon" tumhari mazaq hai keh nahin
Keh jo bhi ho ussay tum aazmanay lagtay ho
Tumhari shairy kya hai bhala , bhala kya hai
Tum apnay dil ki udaasi ko gaanay lagtay ho
Suna hai keh'kishano main roz-o-shab hi nahin
To phir tum apni zuban kiyon jalanay lagtay ho
No comments:
Post a Comment